"Ұлттық валюта – Тәуелсіздігіміздің нышаны" тақырыбында тәрбие сағаты өтті.

7 "Б" сыныбында "Ұлттық валюта – Тәуелсіздігіміздің нышаны" тақырыбында тәрбие сағаты өтті. Бұл тәрбие сағатының мақсаты – оқушыларға теңгенің шығу тарихы туралы мағлұмат беру, ұлттық валютаның маңызын түсіндіру және оқушылардың елге, ұлттық құндылықтарға деген құрмет сезімін арттыру болды.
Сынып жетекшісі мен оқушылар дайындық жасап, теңге тарихы жайлы бейнематериалдар көрсетілді, презентация ұсынылды. Балалар теңгенің қорғаныш белгілері, алғашқы банкноттар мен монеталар туралы мәліметтермен танысты. Сонымен қатар оқушылар өз ойларын ортаға салып, сұрақтарға белсенді жауап беріп отырды.
Іс-шара соңында оқушыларға ұлттық валюта туралы сұрақтар қойылып, шағын викторина ұйымдастырылды. Бұл тәрбие сағаты оқушылардың патриоттық сезімін оятып, қаржылық сауаттылықтарын арттыруға септігін тигізді.
Сынып жетекшісі: Асубаева М.К
​https://www.instagram.com/reel/DQ6-VaQjGGb/?igsh=dWsxOGoybDc0Mmh4​​​