Тарихымыз - КГУ"Многопрофильная гимназия имени Шакарима с обучением на трех языках"

Ұлағатты ұстаз - ұлт мерейі!

admin — Mon, 20 Oct 2025 16:36:06 +0600

Лиза Даулетияқызы ⁠1972-73 жылдары Семейдегі №5 қазақ мектебінде еңбек жолын бастап, осы мектепте 30 жыл ұстаздық қызметте болып, зейнеткерлікке шыққан ұлағатты ұстаз. Мектепте жұмыс жасаған жылдарында “Қазақ тілі” қоғамының төрайымы ретінде тіл туралы түрлі шаралар өткізіп, дәстүрлі көркемөнерпаздар байқауында ән шырқап, қоғамдық жұмыстарға да белсене араласты. Отыз жылда қаншама дарынды шәкірттер тәрбиелеп, талай түлектерді қанаттандырып, алтын ұя мектебінен ұшырған ардақты ұстаз.
Ардагер ұстаздарын ұлықтаған, әр түлегін ұмытпаған білім ордасының басшысы Нұргүл Құлжағазықызының арнайы шақыртуымен мектебімізге бүгін Лиза Дәулетияқызы келіп, “Гимназияға сіңірген еңбегі үшін” төсбелгісімен марапатталып, құрмет пен ілтипатқа бөленді.
Кез келген қоғамның кемелдігі, өркениеттілігі ұстазға деген қатынасымен өлшенеді. Ұстазын ұлықтаған елдің ұрпағы саналы, болашағы жарқын болары хақ. Себебі әр мұғалімнің еңбегі – ерен, еліміздің дамуына қосқан үлесі – орасан.

Бүгін гимназиямызға композитор, Қазақстанның еңбек сіңірген қайраткері, Қазақстан композиторлар одағының мүшесі Кентау Назарбек пен жары Абылханова Бибігүл Мұратбекқызы арнайы келіп қайтты.

admin — Wed, 06 Aug 2025 10:05:35 +0600

Бүгін гимназиямызға композитор, Қазақстанның еңбек сіңірген қайраткері,
Қазақстан композиторлар одағының мүшесі, Абай елінің құрметті азаматы, Қазақ әдет-ғұрып, салт-дәстүр академиясының құрметті профессоры, Семей медицина университетінің құрметті профессоры,Әл-Фараби атындағы оқушылар сарайы вокал және аспаптық бөлiмдерiнiң жетекшісі Кентау Назарбек пен жары Абылханова Бибігүл Мұратбекқызы арнайы келіп, бір кездері өздері қызмет істеген білім ордасының тыныс-тіршілігімен танысып қайтты. «Абай өлеңі» әнінің авторы, композитор Кентау Назарбек – хакім Абайға арнап ән жазған тұңғыш композитор. Бойына бірі емес бірнеше өнерді сыйдырған сазгердің әндерінің тақырыптары тәлім мен тәрбиеге, бай тағылымға бағытталған. «Баласы жақсы болса..», «Әкешім-Анам», «Сыйласқанға не жетсін!» атты әндері көпшілікке жақсы таныс». Гимназия ұстаздары мен оқушылары композитордың "Ұстаз бен шәкірт " әнін сүйіп орындайды.Алпысқа жуық әннің, соның ішінде халық көкейінен шыққан «Бір бәйтерек, бір шынар» атты әннің авторы бүгінде шығармашылық өрлеу шағында. Ел арасында танымал "Семейге кеткім келеді" әні де композитордың туған еліне деген құрметінің белгісі. Тағылымы мен тәлімі мол әндері- жас ұрпаққа үлкен өнеге.

Тоққарин Досымхан. Білімнің шежірелі ордасы.

admin — Mon, 05 Sep 2022 12:03:40 +0600

Кітапты онлайн оқу

Шәкәрім Құдайбердіұлы атындағы №5 қазақ орта мектебі – бір ғасырға жуық тарихы бар білім ордасы. Мектептің тарихыазаттықтың символы болған Алаш қаласы мен ежелден оқу мен білімнің орталығы болған көне Семеймен біте қайнасқан.

Семей – қазақ зиялылары: Шоқан Уәлиханов, Абай Құнанбаев, Шәкәрім Құдайбердиев, Әлихан Бөкейханов, Ахмет Байтұрсынов, Қаныш Сәтбаев, Әлкей Марғұлан бас қосатын орталық болды.

Сол орталықтан білім алған Қайролла Ибрагимов, Тұрлыхан Қасенов, Шырақбек Қабылбаевтар№ 5 қазақ мектебінің тұңғыш қарлығаш - ұстаздары болса, олардың қатары Махмутова Оразбүбі, Махмұтов Кәбір, Смағұлова Әдия, Бояубаев Жұматай, Сағындықов Ержан, Жұманов Төкен сынды ұлағатты ұстаздармен толықты.

Абайтанушы ғалым Қайым Мұхаметханов, академик Сейіт Қасқабасов, Естекбаев Мұхаметжан, Исаханов Ілияс, Толықбаев Төлеуқадыр, Жетімғарин Дәулет, Дайырбеков Жетпісбек, ағайынды ғалымдар Дүйсенбаевтар сияқты т. б. өмірге құштар алғыр жастар оқып, тәрбие алды.

Мектептің 90 жылдық тарихы Семей қаласындағы тарихи құжаттандыру мекемесінің мұрағат деректері басшылыққа алынып жарыққа шықты.

Мектептің өткені мен бүгіні жайында деректі әңгіме, естеліктер негізіне құрылғанкітаптың тілі жатық, мазмұны нұсқалық, танымы жоғары – көпшілік оқырманға арналған.