Құқықтық профилактика

27 ақпан күні Абай облысы полиция департаменті ұйымдасқан қылмысқа қарсы күрес басқармасының аса маңызды істер жөніндегі аға жедел уәкілі полиция майоры Мұхмет Әди Жеңісұлы гимназияның 9-11 сынып оқушыларына соңғы уақыттарда жасөспірімдер арасында болған келеңсіз оқиғалардың салдары туралы әңгімеледі. Жасөспірімдердің бір-біріне көрсеткен әлімжеттігі, бопсалауы орын алған жағдайда ата-аналарының да жауапкершілікке тартылатыны, ата-аналық құқығынан айрылатыны ескертілді. Заңға қайшы әрекетке бармаудың маңызына, болашақтарына, отбасына жауапкершілікпен қарауларына көңіл бөлді.