2023 жылдың 2-3 мамыр күндері аралығында Астана қаласында Химиядан 57-ші Халықаралық Менделеев олимпиадасы аясында химия пәні мұғалімдері үшін "Химиядан олимпиада тапсырмаларын шешу" тақырыбында Халықаралық семинар өтіп жатыр.

Абай облысының химия пәнінің мұғалімдерімен бірге Шәкәрім атындағы көпбейінді №5 гимназияның химия пәні мұғалімі Зейтова Аяулым Сериковна да семинарда тәжірибе жинақтауда. Семинардың бірінші күнінде 21 елден келген шет ел қонақтары өздерінің олимпиада өткізу және оқушыларды қалай дайындауы жайында тәжірибелерімен бөлісті. Екінші күнінде халықаралық олимпиадалардан жеңімпаз дайындаған ұстаздар олимпиада есептерінің шығарылуының математикалық тұрғыдан шешу жолдарымен бөлісті.