«Дарынды балаларға-талантты ұстаз» республикалық педагогикалық олимпиадасының қалалық кезеңінің жеңімпазы

10 қазан күні  «Дарынды балаларға-талантты ұстаз»   республикалық педагогикалық олимпиадасының қалалық  кезеңі өтті. Педагогикалық олимапиаданың мақсаты-жас педагог қызметкерлердің шығармашылық әлеуетін арттыру,белсенді кәсіби көзқарасын қалыптастыру. Әділқазылар алқасы қатысушыларды педагогикалық шеберлік, импровизация қабілеті, аудиторияға әсер ету дәрежесі, коммуникативті мәдениет, жұмыс тақырыбы бойынша жеке ұстанымы, педагогикалық құралдарды таңдау және білім беру процесін ұйымдастыру әдісі критерийлері бойынша бағалады. TED форматында «Таратуға лайықты иделарға» арналған жобалары бойынша  еңбек өтілі 5 жылдан аспайтын 25  жас мамандар   қатысқан сайыста өзіндік іс-тәжірибе, заманауи идеяларымен бөліскен гимназиямыздың  музыка пәнінің мұғалімі Махметова Мадина Құралқызы І орынды иеленді.  Мадина Құралқызын жеңісімен құттықтай отырып, шығармашылық табыс  пен облыстық сайыста сәттілік тілейміз!