Гимназия ұжымының балаларына арналған жаңа жылдық мерекелік іс-шара

Әр баланың жүрегінде Жаңа жыл – ғажайыпқа толы ерекше мереке.
Гимназия ұжымының балаларына арналған мерекелік іс-шараны жоғары деңгейде ұйымдастырып, балаларға шаттық пен қуаныш сыйлағаны үшін гимназия әкімшілігіне,  кәсіподақ ұжымына және гимназиямен меморандумға отырған Қазақстан Республикасы Қарулы күштері Ұлттық әскери-патриоттық орталығына, Подполковник Джумагулов Нұрсұлтан Аликұлына және Нұрланова Әсел Талғатқызына шын жүректен алғысымызды білдіреміз.
Сіздердің қолдауларыңыздың арқасында балаларға жаңа жылдық тамаша көңіл күй сыйланып, мерекелік әсері ұмытылмас сәттерге айналды. Балалардың жүзіндегі күлкі мен қуаныш – сіздердің еңбектеріңіздің айқын дәлелі.
Алдағы уақытта да осындай игі бастамаларымыз жалғасын тауып, бірлескен жұмыстарымыз берекелі болсын. Жаңа жыл баршаңызға мол жақсылық, табыс пен табандылық әкелсін!