«Бастауыш сыныпта оқу сауаттылығын қалыптастырудың тиімді жолдары» тақырыбында шебер-сынып

26-ақпан күні «Бастауыш сынып оқушыларының функционалдық сауаттылығын дамыту: тиімді әдістер мен креативті шешімдер» тақырыбында  “№31 жалпы орта білім беретін мектебі” КММ-де семинар-практикум өтті.
Семинарда Кабдоллина Ш.О., Дүйсенбаева А.М. «Бастауыш сыныпта оқу сауаттылығын қалыптастырудың тиімді жолдары» атты шебер-сынып өткізіп, тәжірибе бөлісті. Шебер-сыныптың мақсаты — бастауыш сынып оқушыларының оқу сауаттылығын қалыптастыруда тиімді педагогикалық әдіс-тәсілдерді таныстыру, мәтінмен жұмыс жасау арқылы оқушылардың түсіну, талдау, салыстыру, қорытынды шығару дағдыларын дамыту жолдарын көрсету және мұғалімдердің кәсіби шеберлігін арттыру.
Сонымен қатар, оқушылардың алған білімін өмірлік жағдаяттарда қолдана білуіне бағытталған практикалық тапсырмалар үлгілерін ұсыну және оқу үдерісінде креативті шешімдерді тиімді енгізу жолдарын насихаттау көзделді.