Ұлттық киім күні – болмыстың бейнесі! Бүгін мектебімізде ұлттық киім күні ерекше рухпен өтті. Әр сынып өз дәстүрін, өз болмысын киім арқылы паш етіп, ата-бабамыздан жеткен асыл мұраны дәріптеді. Осы күні ерекше белсенділік танытып, әдемі үлгі көрсеткен үздік сыныптарымыз: 6 «В» 5 «В» 4 «А» 2 «Б» 2 «Ә» Ұлттық киім – ұлттың жаны, рухтың айнасы.Бұл күн жас ұрпақтың бойына мақтаныш сезімін дарытып, ұлттық құндылықтарға деген сүйіспеншілікті арттырады.

Тілдер айлығы аясында 9–10 сыныптар арасында өткен «Polyglot – Үш тілдің тарланы» олимпиадасы сәтті өтті! Оқушылар қазақ, орыс, ағылшын тілдерінде білімдерін шыңдап, мақал-мәтелдер мен фразеологизмдердің мағынасын ашты, үш тілде сөздер айтып жарысты, зияткерлік викторинада тапқырлығын көрсетті. Ал шығармашылық кезеңде туған жерге арналған өлеңдер, болашақ мектеп жайлы ойлар мен арман мамандықтар туралы жазбалар ерекше әсер қалдырды. Қатысушыларға алғыс айтамыз!

11.09.2025 жылы  гимназиямызда 11-сынып оқушыларымен “Менің жолым:Арманнан шындыққа” атты кәсіби бағдар беру мақсатында мотивациялық кездесу өтті!  Гимназия директоры Н.К. Муканова оқушыларға жылы лебізін білдіріп, өз армандарының соңынан батыл қадам жасауға шақырды.  📍 Кездесу барысында оқушылар «Қозғалысты танысу» ойыны арқылы бір-бірін жаңа қырынан танып, кәсіби қызығушылықтарын анықтады.  📍 «Мамандық станциялары» кезеңінде қатысушылар өздерін қызықтыратын сала бойынша топпен жұмыс жасады.