Бүгін гимназиямызға композитор, Қазақстанның еңбек сіңірген қайраткері, Қазақстан композиторлар одағының мүшесі, Абай елінің құрметті азаматы, Қазақ әдет-ғұрып, салт-дәстүр академиясының құрметті профессоры, Семей медицина университетінің құрметті профессоры,Әл-Фараби атындағы оқушылар сарайы вокал және аспаптық бөлiмдерiнiң жетекшісі Кентау Назарбек пен жары  Абылханова  Бибігүл Мұратбекқызы арнайы келіп, бір кездері өздері қызмет істеген білім ордасының тыныс-тіршілігімен танысып қайтты. 

2025 жылдың 2 тамыз күні Абай облысы әкімдігінің жастар саясаты мәселелері жөніндегі басқармасы және Семей қаласы әкімдігінің ұйымдастыруымен Ұлы ақын Абай Құнанбайұлының 180 жылдығына орай “Абай QUIZ” республикалық зияткерлік ойыны өткізілді. Еліміздің түкпір-түкпірінен жиналған  180 команданың ішінен мектебіміздің “Абай елі” командасы суырылып шығып “Топ-30” үздіктің қатарына ілікті! Құттықтаймыз!