Абай облысы, Семей қаласындағы 100 жылдық тарихы бар «Шәкәрім атындағы көпбейінді №5 гимназияның» ұстаздары мен оқушыларынан құралған делегация Қазақстан Республикасы Парламенті Мәжілісінің депутаты Нұртай Салихұлының арнайы шақыртуы

Абай облысы, Семей қаласындағы 100 жылдық тарихы бар «Шәкәрім атындағы көпбейінді №5 гимназияның» ұстаздары мен оқушыларынан құралған делегация Қазақстан Республикасы Парламенті Мәжілісінің депутаты Нұртай Салихұлының арнайы шақыртуымен Елордаға сапар шекті.

Елорданың төрінде ең көрікті жерлерін аралап, ел тарихынан сыр шертетін мұражайларда болып, рухани азық алды.
Сапардың ең ерекше бөлігі Парламент Мәжілісінде өтті. Жалпы депутаттардың күнделікті қызметімен танысып, кітапхана мен ғимараттың әр бөлігін аралады. Сонымен қатар, еліміздің саяси тыныс-тіршілігінің қыр-сырына қанығып, Мәжілістегі тарихи және мәдени құндылықтарға куә болды.

Бұл сапар ұстаздар мен оқушылар үшін елорданың терең тарихы мен бүгініне көз жүгіртіп, отансүйгіштік сезімдерін нығайтуға зор мүмкіндік сыйлады.