7 мамыр – Отан қорғаушылар күніне орай "Шәкәрім атындағы №5 көпбейінді гимназиясында" «Жас Қыран» және «Жас Ұлан» республикалық бірыңғай балалар мен жасөспірімдер ұйымына қабылдау салтанаты өтті.

05.05.2025 ж. күні 7 мамыр – Отан қорғаушылар күніне орай "Шәкәрім атындағы №5 көпбейінді гимназиясында" «Жас Қыран» және «Жас Ұлан» республикалық бірыңғай балалар мен жасөспірімдер ұйымына қабылдау салтанаты өтті.
Іс-шара Мемлекеттік Ту көтеріліп, Әнұранның орындалуымен ашылды. Одан кейін ұйымның мақсаты мен міндеттері таныстырылды. Аталған ұйым оқушылардың қоғамдық белсенділігін арттырып, әлеуметтік, танымдық және шығармашылық қабілеттерін дамытуға бағытталған.

Салтанатты рәсім барысында 2-сыныптың 52 оқушысы – «Жас Қыран», 5-сыныптың 52 оқушысы – «Жас Ұлан» ұйымының қатарына қабылданды. Ұйым мүшелеріне туымыз түстес көгілдір галстук пен төсбелгілер табысталды. Оқушылар ұйым қатарына кірерде Отанға адал болуға ант беріп, өз елінің лайықты азаматы болуға серт етті. Гимназия директоры Н.К.Муканова жас ұландарды құттықтап, олардың болашағына сәттілік тіледі.
Жас ұрпақ – ел ертеңі!