Мектебіміздің түлегі Астана қаласы бойынша «Жас Сарбаз» филиалы төрағасының орынбасары болып тағайындалды

Мектебіміздің түлегі Астана қаласы бойынша «Жас Сарбаз» филиалы төрағасының орынбасары болып тағайындалды

Мектебіміздің түлегі Олжас Самархан Астанада «Жас Сарбаз» қозғалысында жетекші қызметке тағайындалды. Олжас – Семей қаласы Шәкәрім атындағы көпбейінді №5 гимназиясының 2024 жылғы түлегі. Қазір ол Тұран-Астана университетінде 2-курста білім алып жүр.
Жақында ол Астана қаласы бойынша «Жас Сарбаз» филиал төрағасының орынбасары қызметіне тағайындалды. Бұл – оның табандылығы мен қоғамдық белсенділігінің нәтижесі.
«Мен үшін «Жас Сарбаз» қозғалысы – жай ғана ұйым емес, әскери-патриоттық әрі идеологиялық майдандағы үлкен арена. Кешегі тер төккен еңбегім – бүгінгі жетістігіме, арманым – ақиқатқа айналып отыр. Серік Асаубайұлы ұстазымның бұл майдандағы орны толассыз! Мектеп ұжымына мың алғыс»
Еске салсақ, Олжас Самархан өткен жылы Қазақстан бойынша «Үздік жас сарбаз» атағын иеленген.