Тәрбие сағаты

2026 жылғы 7 сәуір күні «Салауатты өмір салты – табысты болашақтың негізі» атты жалпы республикалық бірыңғай сабақ тұжырымдамасына сәйкес тәрбие сағаттары өткізілді.
Тәрбие сағатының мақсаты – мектеп оқушыларына салауатты өмір салтын маңызды өмірлік құндылық ретінде түсіндіру және оны тұрақты түрде ұстануға бағыт беру.
Іс-шара барысында оқушылар салауатты өмір салтының негізгі құрамдас бөліктерімен танысып, физикалық және психикалық денсаулықтың маңызын талқылады. Сонымен қатар өзін-өзі реттеу, күйзеліске төзімділік және қауіпсіз мінез-құлық дағдыларын дамыту, дұрыс тамақтану мәдениетін қалыптастыру мәселелері қарастырылды.
Оқушылар белсенді қатысып, өз ойларын ортаға салып, денсаулықтың адам өміріндегі ең маңызды құндылық екенін терең түсінді.
Салауатты ұрпақ – ел болашағы.