Жаңа оқу жылының алғашқы қоңырау күніне арналған тәрбие сағаттары

Жаңа оқу жылының алғашқы қоңырауы күні мектебімізде 2–4 сыныптар, 5–7 сыныптар және 8–11 сынып оқушыларына арналған алғашқы тәрбие сағаттары өткізілді.

🔹 Тәрбие сағаттарының негізгі тақырыбы – «Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі».

Оқушылар Конституцияның ел өміріндегі маңызы, азаматтық жауапкершілік, құқық пен міндет, отансүйгіштік және адамгершілік құндылықтар туралы ой бөлісті. 

Сонымен қатар, жас ұрпақтың туған жерге деген сүйіспеншілігін арттыру, қоршаған ортаны таза ұстау және қоғамдық жауапкершілікті қалыптастыру мақсатында «Таза Қазақстан» жалпыұлттық бастамасының маңызы да сөз болды.

Конституцияны құрметтеу – елді құрметтеу.
Адал азамат – жарқын болашақтың негізі.
Таза орта – таза ой мен таза қоғамның бастауы!

Жаңа оқу жылы білімге, ізгілікке, жауапкершілікке және биік мақсаттарға толы болсын!